Міжнародны дзень роднай мовы

21 лютага адзначаецца Міжнародны дзень роднай мовы.

Дзень роднай мовы асаблівы для кожнай нацыі, кожнага народа, бо няма народа без мовы, няма мовы без яго носьбіта. І беларусы не выключэнне. Нам у спадчыну засталася ўнікальная мова – жывая і мілагучная, песенная і паэтычная, старажытная і сучасная. Міжнародны дзень роднай мовы – гэта яшчэ адна нагода кожнаму беларусу задумацца аб лёсе нашай мовы,  аб тым багацці, якім мы валодаем ужо толькі таму, што нарадзіліся і жывём на Беларусі.  

Наш дзіцячы сад  таксама адзначыў свята роднай мовы. У кожнай узроставай групе была арганізавана выстава дзіцячых кніг беларускіх пісьменнікаў .   Дзеці і дарослыя віталіся на роднай мове, чыталі мастацкія творы на ей, вучылі вершы, адгадвалі беларускія загадкі, гулялі ў рухомыя гульні.